اویما گل
اويماگل
گؤزوباغلي هئچ بيرسؤزه اويما گل
قارانليغا آياغيني قويما گل
گئچن لرين سؤزلريني ائشيت سئچ
دوشونمه ميش سؤزو دوغرو توتما گل
بيلمه مزليك كؤرپوسودور خرافه
بيلميين لر گؤرپوسونده دورما گل
گؤردوگونو يوخلا دوشون عقله سال
گرچك لره اوره ك گؤزون يومما گل
دوز له اَيري دؤيوشونه درين باخ
اويدوروجو اؤلچولره دورما گل
بيليك له عقل بيرده اوره ك قورقوسون
گؤزوباغلي اويونلار لا پوزما گل
بيلديگيني آچيق سؤيله ائلينه
دوز سؤزلره يالان قاتقي وورما گل
اَيري يول لار يارمازلار دوز ايشه
تانيديغين دوز يول لاري بورما گل
بيليك دئين يول لاريلا گؤر ايشين
اَيري يول دا ال قؤلونو يورما گل
باشارديغين آخيد ائله چاي كيمي
گؤزه سي دار قوروبولاق اولما گل
« گونش»كيمي آيدين دورودوزدانيش
ديريليك ده آچيلماميش سولما گل
محمد اشراقی
