یاشاییش یئری- اشعار ترکی محمد اشراقی
یاشاییش یئرلری وئرگی دیر
جانلییا دیریلیک یئری دیر
قوْرویار بویئری حیوانلار
کوْرلویار بوائوی انسانلار
بیتگی لر بزه یر دونیانی
بیتیرر گول ایله ریحانی
یاشاییش یئرلری چیچک دیر
یوموشاق ائله بیل ایپک دیر
یئتیشسن گول کیمی آچیلار
ترسینه کول کیمی داغیلار
دیری دیر باخماسان اینجییر
اینجیسه اؤزولوب سینسییر
انسانلار یئری لاپ آتیبلار
چوْخداندیر زیبیله قاتیبلار
یاشاییش بولاغی قورویوب
ائله بیل دگیرمان سوْوولوب
یاشاییش خرمنی اؤت آلیب
اللر ده ایشله نیب قوْجالیب
گرک دیر طبیعت تانینا
یئنی دن باخیلا حالینا
عاجل دیر یئریمیز دورومو
گرک دیر سؤندورک اودونو
