دوزلوک- اشعار ترکی محمد اشراقی

دوزلوک لر ایچینده  بیرچوخ تئل یالان وار یالان لار آلتیندا بیر بوللو پالان وار

دوزلوک

 

دوزلوک لر ایچینده  بیرچوخ تئل یالان وار

یالان لار آلتیندا بیر بوللو پالان وار

یالانچی گئیینیر دوزلرین گئییمین

آلوئرده دمیری قیزیلا ساتان وار

سیاست عرصه سی یول لارین کسمه سی

اویدوروب ائل لری درین دن یاتان وار

اینام سیز اوتوروب اینام لی یئرینده

بیریاخشی یئرینه یوزلرجه یامان وار

بیلیک له عقل دیر ایش لرین اؤلچوسو

دوزلرین اوستونه اؤرتوک لر سالان وار

قاریشیب آرادا ، مسّب لر(مذهب لر)ایتیبدیر

ساتیلسا اوجوزا هامی سین آلان وار

قارا دیر گونوموز  آچیلمیر دوگون لر

بوگونه ائل لری ال ایله سالان وار

ایسته رم ائلیمین چتینی آچیلا

گؤره سن دوگونو اوره ک دن آچان وار؟

اؤزونه ایشله ییر الینه ایش دوشن!

گؤره سن ائلیمین قئیدینه  قالان وار؟

دار ایپی ، چکیلیر هامی نین ال ایله

قورتاران آزالیب ، بیر بول لو آسان وار!

 

نوشته های مشابه

دکمه بازگشت به بالا