عمروموز- اشعار ترکی محمد اشراقی
عمروموز شمع كيمي يانيري اريييب سوكيمي آخيري گئت گئده قيسسالير بويوندان يئرينده قاراگون قاليري
عمروموز شمع کیمی یانیری
اریییب سوکیمی آخیری
گئت گئده قیسسالیر بویوندان
یئرینده قاراگون قالیری
هانسی گون بوشونا گئچیرسه
یئرینه تانری سوچ یازیری
اؤیرنیب اؤیردن گونلری
ایشیغین ائشیگه یاییری
یاخشیلیق ائلیین گونلرده
امگین بیره مین سالیری
ایشیقسیز بوشونا یاشایان
ائله بیل گئجه ده آزیری
آزمادیم یاشادیم ایشیقدا
ایشغیم ایشیمدن ساچیری
هامینین یانارین یانمالی
ائلینه ایشیغین سالمالی
