سئوگی بولاغی
پارلاق گونش پالچیقیله توتولماز
ایشیغینا باخماقیله قوتولماز
سئوگی ایسه گور بولاق دیر ٱخماقدا
دونیا بویو آخماقیله قوروماز
اوره ک لری یوموشالدار سئویلمک
سئوگی ایله، ائله گلر، سئوینمک
سئوگی سیز ائل، گوبوردلاشار گئتدیکجه
بیلر بیلمز ایشی اولار دئیینمک
سئوگی اولسا، یوخسول قالماز اؤلکه ده
یاردیم ائدر یوخسوللارا اؤزگه ده
سئوگی آزدیر، یوخسول گئجه آج یاتیر !
دنیادا وار چوخلو آج دان اؤلمه ده
