فیکیر تکاملی
یئنی لنمک تکامله گئتمک دیر
دایانماق دا آیاق اوسته اؤلمک دیر
بیلیک له فن یئنیله دیب صنعتی
انسان لارا تؤره لدیب دیر فرصتی
یئنیلنمک تمدن لر یارالدیب
چتین لری یئر اوزونده آزالدیب
یئنی له شیب انسانلارین چالیشی
گئری قالیب یارانیشا باخیشی
بیلیک ایله بوتون ایش لر بیرلشر
بیلیک سیزجه ایشلر دئمک پیسلشر
اسگی دویقو آیری سالار ائللری
دؤیوش لرله گونده ییخار ائولری
بیلیک نئجه گرک لی دیر یئنی لشه
دویقولاردا گرک دوشه بو گئدیشه
بئله اولسا آیدینلاشار دویقولار
ایتیب گئدر اوره ک لردن قورخولار
بو ایشیله بیلیک اولار اؤلچوموز
یارانیشا دوز آچیلار گؤزوموز
